جديد اخر الاخبار الان - الخيانه / شعر : احمد عوض / جريدة اسرار الاسبوع

0 تعليق ارسل لصديق نسخة للطباعة تبليغ

اضغط علي زر اعجبني ليصلك كل جديد علي الفيسبوك

النهار الاخبارى , اخبار اليوم محدثه

اخبار اليوم محدثة :- اخر الاخبار الان - الخيانه / شعر : احمد عوض / جريدة اسرار الاسبوع

موقع النهار الاخبارى نقدم لكم اخر المستجدات على الساحة العربية والعالمية واخر الاخبار لحظة وقوعها اخر الاخبار الرياضية والعربية والعالمية والاخبار المنوعة كما ونقدم لكم حصادنا الاخباري لجميع الدول العربية

Sponsored Links

 

الخيانه بطعم المراره وكسر العيونSponsored Links

 سألتك ياخاين كيف تخون

 بالله اللى خلق اسرار الرياح

 سألتك ياخاين ازاى الوطن

 عندك مُباح

خون حببتك حاقول دى شهوه

 خون صديقك حاقول دى سهوه

 خون اى حاجه حلاقى الديباجه

 عشانك وابرر حازيف كلامى

 او حتى حازور

 اما اللى ابدا فوق التصور

انى اصدق خيانة وطن

قبضت التمن؟

 خدت

وسبقت الزمن؟

 ازاى ياجسم بريحة العطن

تطاوعك ضلوعك

تخون الوطن

دنا شوفت قطه داسها العجل

 بت ليالى اسير الشجن

 مش قادر اصدق خيانة الوطن ....

 عارف يعنى ايه خيانة وطن؟

 يعنى تلبس بدله

فوق الكفن

 يعنى اللسان بينقط عفن

 يعنى ميت وعايش جوه البدن

 يعنى بتعبد اله من صنم

 يعنى عينك وودنك

اعمى و صمم

 وحسك وروحك روح البجم

 ..... حاقولك يعنى ايه

معنى الوطن

 يعنى ميه ساريه

 بين ضلوعك تحفظ عروقك م الجفاف

يعنى لقمه لسد جوعك

 حتى لو كانت اللقمه حاف

 يعنى نوم الدفا تحت الغطا واللحاف

 يعنى بق ميه يروى حلق جاف ....

 وطن يعنى عشره ويا الصحاب

 فى المدارس فى الجران فى الكتاب

 يعنى ركعتين الضهر فى الجوامع

يعنى العباده فى الكنيسه والصوامع

يعنى ماتش كوره فى الشوارع

يعنى ماما اليوم تطيخ كوارع

او سمك او حتى البطاطس

 وطن يعنى بحر

 انت فيه بحار وغاطس ....

 وطن.. يعنى عيشه وعشره وحياه

 يعنى صلاه وصوم وعبادة اله

 يعنى امك وهى حامل فيك

شربت ميته

 يعنى امك وهى حامل فيك

 اكلت زرعته

 يعنى كبرت سنتى سنتى

 والامان مرفرف على سكته

 ...... وطن يعنى اول يوم تروح المدرسه

ولسه الشمس فى شهر تسعه مشمسه

 يعنى حروف النسخ والهندسه

 يعنى تحى العلم

 يعنى تتحول لفاهم

بعد البجم

 يعنى ابله عيشه تكتب ع التخته

 التاريخ وتيتهجا كلمة نهار

 يعنى الوطن ابتدى فيك اذدهار

 يعنى انطلق العلم فيك من طفولتك

 والمدرسه بداية رجولتك

 حتى لو انتى ست

هى دى بداية انوثتك

 ..... وطن يعنى بقيت واد مراهق

 قلبه هفهف على بنت الجران

 او صاحبة اختك

ام شعر ديل حصان

 وطن يعنى تنده ..

 ماما .. جعان

يابابا عايز جزمه كوتشى وبنطلون

 لجل ماافرح صحابى

انى لابس شيك وجان

..... وطن يعنى شهر رجب والصيام

يعنى بقيت راجل قوى البنان

 وطن يعنى نسمة هوا فى المساء

يعنى مستنى الاجازه فى اشتياء

 ممكن تروح تصيف او تلعب

 او تهيف او تعمل دماغ

 فى سهره مستكيف

 يعنى وقفة نواصى

 ويا الصاحب والانيس

 يعنى تروح السينما اى حفله

يوم الخميس

 ..... عارف يعنى ايه خيانة وطن؟

 خاينة الوطن عندك له كام طريقه

 يعنى رزق ام صابر تاكله الحريقه

 يعنى بعد طيب العيش

 صبحت فى ضيقه

يعنى محسن ابن عمى

 وابن خالك

 مش لاقى الطعام

 يعنى من كتر الام الجوع

 مش قادر ينام

 يعنى ستر الراس ينكشف

 عند المدام

خيانة الوطن يعنى جرجس

وسيد وعبد الحميد

 وغيرهم كتير

اصبح شهيد

 يعنى ام حامد تنوح

وتبكى وتنجرح

 وابن عيسى قلبه

ماعاد من الفرحه

 راح ينشرح

 يعنى فرد فى عيله

 كان الاهم صبح النهارده سايح فى دم

 خيانة الوطن

 يعنى ناس بتلطم

وخراب بيوت

يعنى الضحك والهزار

خلاص يموت

 ..... يعنى احمد

مش جاى خلاص ع الغدا

 يعنى زوجه تنام نوم الردى

يعنى فرح اللقى

بريق الحبيب راح وانقضى

 يعنى طفل فجأه ملهش بابا

يعنى بنت يوم جهازها

ملهاش وكيل

 يعنى اسره كامله

 كانت فى عز

 صبحت ذليل

..... ازاى ياخاين الوطن

عايش بتاكل؟

 ازاى ضميرك جوه نفسك

وانت سافل؟

 ازاى بيصحى عليك صباح؟

 ازاى تعيشها بارتياح؟

 معتقدش

 ان الخيانه وزة شيطان

 او سحر وعمل

من عند جان

 الخيانه مله وداء

 واعتقاد مش قادر اصدق

 ان اللى خان

 يطلق عليه لفظ العباد

مش قادر اصدق انه الشيطان

 عقلى رافض وبجنان

 انى اصدق

خيانة وطن

احمد عوض

موقع النهار الاخبارى نقدم لكم اخر المستجدات على الساحة العربية والعالمية واخر الاخبار لحظة وقوعها اخر الاخبار الرياضية والعربية والعالمية والاخبار المنوعة كما ونقدم لكم حصادنا الاخباري لجميع الدول العربية

الخبر | اخر الاخبار الان - الخيانه / شعر : احمد عوض / جريدة اسرار الاسبوع - يمكنك مشاهدة مصدر الخبر الاصلي من الرابط التالي وهو : اسرار الاسبوع ويخلي موقع الوحدة عن مسؤوليته الكاملة عن محتوي اي خبر وانما تقع المسؤولية على الناشر الاصلي للخبر.

المصدر : اخبار

أخبار ذات صلة

0 تعليق