اخر الاخبار وزير التموين يقلّد السيسي: بلاش محشي ولا سكر.. #ميصحش_كده

0 تعليق 4 ارسل لصديق نسخة للطباعة

ثلاثة تصريحات لوزير التموين المصري العسكري، اللواء محمد علي مصيلحي، جعلت منه مادة دسمة لتعليقات رواد التواصل.


فقد حاول مصيلحي الدعوة للتقشف في استخدام السكر، وكان أول تصريح له "كيس السكر بيفضل عندنا في البيت شهر"، ليرد عليه ناشطون "حضرتك عايش مع نمل أكيد!".

أما ثاني تصريحات لواء التموين التي انتشرت على مواقع التواصل، فدعوته لنواب البرلمان "ساعدوني يساعدكم ربنا". أما ثالثها فكان عن أزمة الأرز، فعقب تصريحه الصادم "مخزون الأرز لدينا صفر"، روى قصته مع تجار الأرز، أثناء حديثه في البرلمان: "لما حصلت أزمة الأرز، سألت عن الكبير بتاعهم، فجالي الحاج رجب شحاتة كبير تجار الأزر، وقاللي استورد وسيبك منهم، طالما مش عاوزين يدوك الرز استورد"، وكان رد الوزير على التجار، "مايصحش كدة".

تصريحات مصيلحي، كانت بمثابة وجبة دسمة للناشطين طوال ليلة أمس الإثنين، فسخرت بهية: "السيسي: تلاجتي قعدت 10 سنين مفيهاش غير ميه، وزير التموين: كيلو السكر كان بيقعد عندنا شهر، يومين ويطلع وزير الكهربا يقولك أنا عايش على لمض الجاز". ووافقها "ناشط مش سياسي"، معلقاً: "وزير التموين: كيس السكر كان بيفضل عندنا شهر، واحد عاش 10 سنين تلاجته مافيهاش إلا ميه، والتاني كان بيعيش الشهر بكيلو سكر".


وتعجب دكتور خليل العناني "واحد عاش على الميه عشر سنين، وسيادة الوزير بيقول إن كيس السكر بيكفيه شهر. هي الناس دي زومبي ولا بني آدمين زينا؟!". وسخر محمد: "وزير التموين: ساعدوني.. يساعدكم ربنا! عيب عليك يا وزير أنت ناقص تربط عنيك وتلبس جلابية مقطعة وتمشى تشحت".
كما سخر عمرو: "وزير التموين لواء الجيش، بتاع مجلس عسكري السيسي، اللي بيقبض بالملايين، بيتهم الشعب المصري بالتآمر لانه بيستخدم أكثر من كيس سكر في الشهر". وعلقت فاطمة: "طيب ممكن معلش نرجع وزير التموين الفاسد وبلاش اللوا اللي مش عارف يوفر السكر، يا سيدي احنا شعب فاسد ملوش في الظبط والربط ملكوش دعوة #المواطن_عايز".

وكتب "أبواما" وقال: "بعد تلاجة السيسي اللي قعدت 10 سنين مافيهاش غير مياه، وزير التموين كمان كيلو السكر بيقعد عنده شهر، ربنا ياخدنا احنا ياخي ويريحكم مننا #تلاجة_السيسي".  وتعجبت موني: "شحاتة في شحاتة، وزير التموين: ساعدوني.. يساعدكم ربنا".


بدوره تساءل سيد قائلاً، "وزير التموين: مفيش غلاء، اللي بيشرب كوبايتين شاي يشرب نص، واللي بيحط 3 ملاعق سكر يحط نص، ده فكر الحكومة بتاعتنا في مواجهة الأزمات؟". ووافقه عمر: "وزير التموين أبو خلفية عسكرية: كيلو السكر بيفضل عندنا في البيت ٣ شهور، لييييه؟ عايش مع نمل".

وعن تصريح المحشي الشهير، سخر خالد "وزير التموين عن أزمة الرز: بلاش محشي دلوقتي! سيادة اللواء: ولا حتى ممبار سيادتك؟!". وتعجبت إحدى المغردات "وزير التموين بيقول للنواب: ساعدوني يساعدكم ربنا! راحت الهيبة يا خال".

اقــرأ أيضاً

المصدر : العربى الجديد

إخترنا لك

أخبار ذات صلة

0 تعليق