جديد اخبار السودان اليوم حوار النطة .. الثلاثاء 11-10-2016

0 تعليق 4 ارسل لصديق نسخة للطباعة

النهار الاخبارى , اخبار اليوم محدثه

اخبار اليوم محدثة :- منذ دقيقة واحدة — الثلاثاء — 11 / أكتوبر / 2016

اخبار السودان اليوم حوار النطة .. الثلاثاء 11-10-2016

حوار نطتكم ..ما ..مِنو.. نجاح ..
ديل والده .. وأمه ..ولدوهو .. سفاح ..
واحزاب الفكة الماسكة التكه..
للحزب العكه .. وطالع في الدكه..
بايل في راسنا..وشهانا نعاسا..
الشتت ناسنا..ولبسنا الفركه ..
وخايف يندكا ...لو عاد الشكه ..
لاراضي يفوت .. ولا فيهو صلاح ..
حوار نطتكم ..ما ..مِنو.. نجاح ..
***
زفة عاطلين .. ولمة سواح ..
ماكلين ..شاربين جعه وتفاح..
ضاقو البدلات .. والكرفتات ..
وكذبة ناسات ..سكنو العاليات ..
فردو الشالات وركبو الفارهات..
باسم الدين ..طالعين نازلين ..
زي المنشار قاطعين سارقين ..
دم في الإيدين وخشم تمساح ..
حوار نطتكم ..ما ..مِنو.. نجاح ..
***
جابو الحالمين .. والكل طمّاح ..
راجي التعين في الكرسي اللاح ..
واحدين عاملين ..روحهم ثوار..
قالوا مناضلين ..في خط النار..
نسوان جايات تلعب أدوار ..
وواحدات جابوهن شيخات للظار ..
وفي ناس ماخدين القصة هزار ..
ويا خداعين ... ما بعود الراح ..
حوار نطتكم ..ما ..مِنو.. نجاح ..
***
ماشفنا السكين بتهّدي جراح ..
ولا الجزار .. بصبح جّراح ..
نتحاور.. كيف مع الكيزان ..
الباعو ..شرفنا مع الأوطان..
خدعو البسطاء ..العبدو.. الرحمن ..
اتوعدو صهيون و الأمريكان ..
وهددوا بى رد العدوان ..
والليلة انبطحو يزحو ..زحاح ..
حوار نطتكم ..ما ..مِنو.. نجاح ..
***
كاسر البيبان..مابكوس مفتاح ..
وكاتل الإنسان ..ما ليهو سماح ..
دايرين تتحاورو .. ابقو رجال ..
بيناتنا حساب ..ننساهو ..محال ..
ردوا المسروق ..كان طين أو مال ..
والزمن الضاع ..وكل الآمال ..
الراحت في سوء الأحوال ..
سيد التارين كيفن برتاح ..
حوار نطتكم ..ما ..مِنو.. نجاح ..
***
جففتو النيل الكان منداح ..
وجوعتو ..الزول الكان مُرتاح ..
وبناتنا الرضعو ..عفاف ودلال ..
الليلة لحومهن ..باتو ..حلال ..
لكلاب البهدلة...والإذلال..
وشباب اتربو .. هناء ..وإجلال ..
إتغربوا شرق .. جنوب.. وشمال ..
وفي بحور الموت لاقو الأتراح ..
حوار نطتكم ..ما ..مِنو.. نجاح ..
***
كتلتو الجيل العاش فوّاح ..
في سكون الليل ..بهجة وأفراح ..
ديل كانو..ورود في حقل الدار ..
وللمستقبل ..أيدي عمار ..
ارتادوا جهاد كم حصدوا.. ودار ..
في كلِ ركن أشعلتو ..النار
وقلبتو ..زمنا ..عويل ونواح ..
حوار نطتكم ..مامنو ..نجاح ..
***
مال البترول ليه عدى وراح ..
في جيوب اللبسو حريرنا وشاح..
بنوا الأبراج في بلاد الناس ..
وشعبنا محتاح حقنة وكراس ..
حاكمين ..هايمن من غير إحساس ..
فصلّتو جلود ..عزتنا مداس ..
وللقالو ..بغم ..مسمار في الرأس ..
أو يشربو ..سم ..بيت الأشباح ..
حوار نطتكم ..ما ..مِنو.. نجاح ..
***
الصحة بقت تجفيف وقماح ..
حاكماها لصوص العفن الفاح..
إنهانو .. أطباء وملايكة رحمة ..
وفقدنا أحبة ..في وسط الزحمة ..
رجال السلطة الفقدو الهمه ..
لازول بتحاسب ..لا حد بهتما..
والناس القدلت عز ..وسماح ..
الليلة معاكم بقوا بحباح ..
طافحين الدم في كلِ صباح ..
شايلين الهم تعليم وملاح ..
والكانو زمان عاقلين ونصاح ..
اليوم ساكنين بعشر والماح ..
حوار نطتكم ..ما ..مِنو.. نجاح ..
ديل والده .. وأمه ..ولدانو سفاح ..
***
من ملامح المسرحية الهزلية التي تجري فصولها الخداعة الآن في الساحة الخضراء بالخرطوم !
[email protected]

الخبر | اخبار السودان اليوم حوار النطة .. الثلاثاء 11-10-2016 - يمكنك مشاهدة مصدر الخبر الاصلي من الرابط التالي وهو : سودارس ويخلي موقع الوحدة عن مسؤوليته الكاملة عن محتوي اي خبر وانما تقع المسؤولية على الناشر الاصلي للخبر.

أخبار ذات صلة

المصدر : اخبار

إخترنا لك

أخبار ذات صلة

0 تعليق